Leiga á húsnæði SKFÍ
Húsnæðið er ekki í útleigu árið 2025 sökum flutnings og viðhalds. Flytja á húsið um nokkra metra til að rýma fyrir Borgarlínu en húsæðið verður áfram í Nauthólsvíkinni.
Sportkafarafélag Íslands á sitt eigið hús að Nauthólsvegi 100a í Nauthólsvík. Þar er aðstaða til að hittast, spjalla saman og drekka kaffi. Uppi í risinu er „betri stofa“ með sófasetti og sæti fyrir um 10 manns.
Húsnæðið hefur verið leigt út í gegnum tíðina til félagsmanna S.K.F.Í. en býðst einnig öðrum.
Húsið tekur að hámarki 24 manns í sæti, borðbúnaður ekki til staðar annar en kaffimál.
Húsnæðið er leigt út um helgar frá kl. 14 til 11 næsta dag. Einnig er hægt að leigja húsið virka daga/kvöld að undaskildum fimmtudagskvöldum. Húsnæðið er ekki leigt út á gamlárs- og nýjársdag og suma aðra daga hafa frídag daginn eftir vegna félagsstarfs í húsinu.
Greiða þarf tryggingu ofan á leigugreiðslu, trygging er endurgreidd ef engar skemmdir verða á húsnæði og húsinu skilað samkvæmt skilmálum leigusamnings. Leigutaki ber ábyrð ef tryggingagreiðsla dugar ekki fyrir viðgerð.
Áhugasamir geta haft samband á leiga@kofun.is eða í síma 669-0503 (Erla)
Húsnæðið tekur 25 gesti samkvæmt heimild sýslumanns. Húsnæðið hentar vel fyrir starfsmannafundi og minni gleðskap.
Eitt klósett er í húsinu.
Leigurýmið samanstendur af:
- litlum sal með eldhúskróki og salerni
- setustofu á lofti
Í litla salnum eru 4 stór borð sem raða má upp eftir smekk eða tilefni.
Á vegg er tússtafla og sjónvarp sem hægt er að tengja við tölvu með HDMI tengi. Hljóðrás er hægt að tengja í hátalara með Jack tengi.
Gamaldags steríógræjur (magnari, útvarp, geislaspilari og hátalarar) eru í húsinu en með Jack snúru er hægt að tengja hátalarana við sjalltæki með jack tengi og spila tónlist þaðan.
Lítill eldhúskrókur er samtengdur salnum í honum er kaffikanna (uppáhelling), lítill ísskápur, bollar og örbylgjuofn. Annar borðbúnaður og er ekki til staðar.
Á móti eldhúskróknum er litið salerni.
Uppi á efri hæðinni er setustofa með þremur litlum sófum og sófaborði. Setustofan rúmar 8-10 manns með góðu móti. Stiginn upp er brattur og þrepin miða við að einungis sé stigið í annan fótinn í hverju þrepi.
Neyðargluggi ásamt neyðarstiga er á efrihæð.
Öll meðferð elds þar með talin logandi kerti er bönnuð inni í húsinu.
Stórt kolagrill er fyrir utan húsið á pallinum. Mögulegt er að grilla að minnsta kosti 3 heil lambalæri á því í einu. Ekkert lok er á grillinu.
Húsnæðið er byggt fyrir tíma inngildingar og hentar því illa hreyfihömluðu-, blindu-, og mikið sjónskertu fólki.
Við biðjum fólk að ganga vel um húsnæðið á leigutíma því þetta er félagsheimili kafara sem allir vinna í sjálfboðavinnu til þess að halda félagsskapnum gangandi. Húsið var á sínum tíma líka byggt í sjálfboðavinnu.
